Şaredariya Tetwanê 57emîn Mîhrîcana Çand û Hunerê ya Tetwanê bi reng û dengekî gewre organîze dike! Festîval di 27’ê vê mehê de dest pê dike û heta 12ê tîrmehê dewam dike. Bi dehan hunermendên navdar wê li ser dikê bi hev re bin.

SERHAT NEWS-  Daxuyaniya dîroka mîhrîcanê li Aqua Parkê bi civînek çapemeniyê hate ragihandin. Parlamenterê DEM Partiyê Huseyîn Olan, Hevşaredara Tetwanê Belkîza Epozdemîr û gelek nûnerên DEM Partî, BDP û saziyên sivîl beşdarî civînê bûn.

Îsal Rojda, Beser Şahîn, Mîkaîl Aslan, Kasim Taşdogan, Suavî, Sorjiyan, Hemîd Karadenîz, Pinar Aydinlar, Babetna, Seyitxan Sevînç, Kadîr Çat, Arhat, Kollektîfa Rîtmên Azad, Kasedjîn, Xecê û Bajar wê bi konserên xwe dilê temaşevanan germ bikin. Herwiha dîwana dengbêjan, lîstikên stand-upê, lîstikên zarokan, çalakiyên jinan, pêşangeha wêneyan û panel wê reng bidin festîvalê.

Tetwan amade ye, hun jî werin!