Hat eşkerekirin ku rêjeya herî bilind ya betaliyê li bajarên Mêrdîn, Êlih, Şirnex û Sêrtê derketiye holê.
Saziya îstatistîkê ya Tirkiyê (TUIK) daneyên betaliyê yên sala 2021’an eşkere kir. Saziyê diyar kir ku rêjeya herî bilind a bêkariyê li bajarên Mêrdîn, Êlih, Şirnex û Sêrtê pêk hatiyê.
Li gor daneyan, rêjeya herî bilind a bêkariyê bi rêjeya ji sedî 29.8 li bajarên Mêrdîn, Êlih, Şirnex û Sêrtê bû. Herwiha rêjeya herî kêm a bêkariyê jî bi rêjeya ji sedî 5.8 li bajarên Kastamonu, Çankiri û Sînopê yên herêma Derya Reş bû.
Herwiha rêjeya herî kêm a derfetên kar jî bi rêjeya ji sedî 29.9 li herêma Mêrdîn, Êlih, Şirnex û Sêrtê bû û rêjeya herî bilind a derfetên kar jî li bajarên Tekirdag, Edîrne û Kirklareliyê yên Herêma Trakyayê bû.
Li Tirkiyê ji sedî 45.2 bû û rêjeya herî kêm a beşdariya kar bi rêjeya ji sedî 40.6 li herêma Riha-Amedê bû û rêjeya herî bilind a beşdariya kar jî bi rêjeya ji sedî 57.3 li bajarên Tekirdag, Edirne û Kirklareliyê yên Herêma Trakyayê bû.
(lg)
