Li Wanê, Newroz bi diruşmeya “Dem Dema Serkeftinê ye” li Parka Ataturk a li kêleka Keleha Wanê dest dest pê kir. Niştecihên Wanê di bin barîna berfê de ber bi qada Newrozê ve diherikin.
Piştî ku amedekarî qediyan di bin barîna berfê de pîrozbahiyên Newrozê saet di 10.00’an de dest pê kir. Jinên ku bi kiras-fîstanan û zilamên bi şel-şepikan tevli Newrozê dibin, dîmenên rengîn derxistin holê.
Bi hezaran welatiyên ku bi tilîlî û diruşmeyan berê xwe dane qadê, piştî lêgerîna polîsan derbasî nava qadê bûn. Girse, li qade beramberî dahol û zirneyê govend digerîne.
Dema ku welatiyan li qadê cihê xwe wergirt, pîrozbahiyê piştî rêzgirtinê dest pê kir. Parlamenterên Partiya Demokratîk a Gelan (HDP) Feleknas Uca, Sezaî Temellî, Tayîp Temel, Muazzez Orhan, Rêveberê navenda partiyê Mahfuz Guleryuz, Serokê Giştî yê Partîya Mirov û Azadiyê Mehmet Kamaç di bernameyê de wê axaftinan bikin.
Her wiha Koma Lawje, Ayfer Duzdaş, Koma Pel û Elenoure Fournîau jî wê bi stranên xwe tevli bernameyê bibin.
Tîma Nûçeyê/vîdeo: Zelal Sahîdenur Sari, Bariş Aslan, Zafer Avnaş, Dildar Guler, Tuba Yeşîm Karaagar, Hakan Aslan
(lg)
