Li Bajarê Wanê qedexeya ku ji sala 2016an ve berdewam e careke din bo dema 15 rojan hat dirêjkirin.
Walîtiya Wanê li bajar qedexeya meş, xwepêşandan, civînên çapemeniyê, grev, vedana kon û çalakiyên rûniştinê di navbera 29’ê Nîsanê û 13’ê Gulanê de careke din bo 15 rojan dirêj kir.
Di daxuyaniyê de hate gotin ku bi armanca yekparçeyiya dewlet û netewe, rêgirtina binpênekirina maf û azadiyên kesên din, asayîşa xelkê û anîna aramiyê, rêgirtin li tawan, parastina maf û azadiyên xelkê biryara qedexekirina xwepêşandan û çalakiyan hatiye dayîn.
Her wiha di daxuyaniya walîtiyê de tê ragihandin ku biryara qedexekirinê wan çalakiyên fermî li xwe nagire ku ji aliyê walî û qeymeqaman ve destûr bo wan tê dayîn.
Hêjayî gotinê ye ku li Wanê qedexeya çalakiyan ev zêdeyî 5 sal in ji 21’ê Mijdara 2016’an ve piştî hewldana derbeya 15’ê Tîrmehê, ragihandin û her 15 roj carekê bi berdewamî tê dirêj kirin.
Serhat News
(lg)
