Serhildana gelê Îranê ku ev demek dirêje berdewam dike, dê li Amedê di panelekî de bê guftûgokirin. Panela bi navê “Îro û siberoja serhildana Rojhilatê Kurdistanê û Îranê” ji aliyê Dibistana Marksîst a Amedê ve tê organîzekirin.
Dibistana Marksîst a Amedê (DMA) sibê dê li Amedê bi navê “Îro û siberoja serhildana Rojhilatê Kurdistanê û Îranê” panelekê li dar bixe. Panel wê li Otela Demîr a li navçeya Sûrê pêk were.
Gelek mijarên girîng dê bên nîqaşkirin
Di panelê de wê mijarên wekî “Dînamîkên guhertinê yên li Rojhilatê Kurdistanê û Îranê ji sala 1979’an heta roja îro, rola jinê ya di guhertina şoreşgerî ya li Kurdistan û Îranê de û encamên hilweşîna rejîma Îranê ku li ser Kurdistan û herêmê serdest e” bên nîqaşkirin.
Şerefxan Cizîrê dê moderatoriya penelê bike û endama Meclisa Partiya Herêmên Demokratîk (DBP) Xecê Şen, Sekreterê Giştî yê Partiya Komunîst a Kurdistanê (KKP) Dr. Kawa Mahmoud, endamê Polît Buro yê Partiya Zehmetkêşan a Kurdistan Bêkas Qadîr û li ser navê DMA’yê Serokê Partiya Komunist a Kurdistanê (KKP) Sînan Çîftyurek dê wekî axaftvan tevli panelê bibin. (MA Kurdî)
Serhat News
(lg)
