Fermandarekî grûpa Hurrase-Dîn ji aliye artêşa Amerîkayê ve di encama êrîşekî esmanî de li bajarê Îdlîbê ya Suriyê hate kuştin.
Artêşa Amerîka di daxuyaniyekê de ragihandiye, li bajarê Idliba Sûriyê wan di êrişeke asmanî de fermandarekî pile bilind yê grûpa tundrew a Hurras el-Dîn kuşt. Hurrase-Din hevpeymana rêkxistina El Qaide ye.
Li gor heman daxuyaniyê, Ebû Hemze Yemanî, fermandarê diyar yê Grûpa Hurras el-Dîn dema ku bi tenê li ser motorsîklekî bûye hatiye armanckirin. Artêşa Amerîka dibêje: “Ti kesekî sivîl neketiye ber wê êrîşê.”
Rêxistina mafê mirova a Berevaniya Şaristanî ya Sûriyê jî, ragihandiye, kesek li ser motorsîklekê bi dû mûşekan hatiye armanckirin û termê wî jî ji bo saziya tiba edlî hatiye şandin.
Li gor daxuyaniya Artêşa Amerîka, kuştina wî fermandarê Hurras el-Dîn wê şiyanên Qaide yên encamdana êrîşan li dijî welatiyên Amerîka û hevbeşên wê û sivîlan li cîhanê lawaz bike.
Serhat News
(lg)
