Hevserokê berê yê HDP’ê Selahattin Demirtaş ku niha li Girtîgeha Tîpa F ya Edirneyê tê girtin, ji bo malbatên qurbaniyên qezayên trafîkê yên li Dîlok û Dêrîkê sersaxî xwest.
Hevserokê berê yê Partiya Demokratik a Gelan (HDP) Selahattin Demirtaş li ser hesaba xwe ya medya civakî bi mebesta qezayên li bajarên Dîlok û Dêrîkê peyamek sersaxiyê weşand.
Demirtaş di peyama xwe de bo malbatên qurbaniyê qezayan sersaxî xwest û wiha got: “Qezayên li Dîlok û Dêrika Mêrdînê ku wek qetlîamê bûn, dilê me kewand. Ji bo hemû xwişk û birayên me yên canê xwe ji dest dane ji Xwedê rehmê û bo xizmên wan jî sebir û sersaxî dixwazim. Bo birîndaran jî silametî be.”
Li parêzgehên Dîlok û Mêrdînê 20ê Tebaxa 2022ê bûyerên trafîkê rû dabûn û di encam de li Dêrikê 20 û li Dîlokê jî 15 bi giştî 35 kesan canê xwe ji dest dabûn.
Serhat News
(lg)
