Serokê Rêveberiya Karesat û Rewşên Bilez (AFAD) daxuyand ku ku hejmara qurbaniyên erdhejê gihiştiye 2 hezar û 921 kesan. Herwiha hate ragihandin ku 7 hezar û 840 kes jî hatine rizgarkirin.
Serokê AFAD’ê Yunus Sezer derbarên encamên dawî yên erdhejê de agahî dan. Sezer got: “Hejmara qurbaniyên di erdhejê de canê xwe ji dest dane gihiştiye 2 hezar û 921 kesan û hejmara birîndaran jî bo 15 hezar û 834 kesan zêde bûye.”
Duh saed di 04:17 deqe erdhejek bi hêza 7.7 pile ku navenda wê navçeya Bazarcixa Mereşê bû çêbû û li bajarên Mereş, Amed, Riha, Semsûr, Meletî, Kilîs, Dîlok -Hatay, Edene û Osmaniyeyê bû sedema mirin û birîndarbûna bi hezaran kesî.
Piştî erdheja yekem, a herî mezin bi pileya 7.6 nêzîkî 100 erdhejên din çêbûbûn. Duh saet di 13:24 deqe navenda wê navçeya Elbistanê ya Mereşê erdhejek din bi pileya 7.6 çêbûbû. (Rûdaw)
Serhat News
(lg)
