1. Haberler
  2. Hemû Nûçe
  3. Erdogan dev ji îtîraza endamtiya NATO’yê ya Swêd û Fînlandiyayê berda

Erdogan dev ji îtîraza endamtiya NATO’yê ya Swêd û Fînlandiyayê berda

featured
Paylaş

Bu Yazıyı Paylaş

veya linki kopyala

Piştî hevdîtinên Serokkomar Erdogan yên bi Sekreterê Giştî yê NATO‘yê Jens Stoltenberg, Serokkomarê Fînlandê Saulî  Niinisto û Serokwezîre Swêdê Magdalena Andersson re, ji serokomariyê daxuyaniyek hate weşandin. Di daxuyaniyê de hat gotin: “Tirkiye piştgiriya xwe ji bo vexwendina, Fînland û Swêdê bo endamtiya NATOyê nîşan dide. Fînland û Swêd bi lez daxwazên dersînorkirin an radestkirina gumanbarên terorê pêk bîne.”

Serokkomar û Serokê Giştî yê AKP’ê Recep Tayyîp Erdogan di çarçoveya Lûtkeya NATO’yê ya ku li Madrîda paytextê Îspanyayê tê lidarxistin de bi Sekreterê Giştî yê NATOyê Jens Stoltenberg, Serokkomarê Fînlandê Saulî  Niinisto û Serokwezîre Swêdê Magdalena Andersson re derbarê mijara endamtiya Swêd û Fînlandê bo NATOyê de hevtînek pêk anîn.

Serokkomariya Tirkiyê piştî civînê daxuyaniyek belav kir û tê de ragihand “Tirkiye piştgiriya xwe ji bo vexwendina, Fînland û Swêdê bo endamtiya NATOyê nîşan dide. Fînland û Swêd bi lez daxwazên dersînorkirin an radestkirina gumanbarên terorê pêk bîne.”

Memorandum hat îmzekirin

Di navbera Tirkiye, Swêd û Fînlandiyayê de bi amadebûna serokên her sê welatan li ser pêvajoya endamtiya Swêd û Fînlandê bo NATOyê memorandûmeke (Kurteya peymanê) sê alî hat îmzekirin.

Wezîrê Derve yê Tirkiyê Mevlut Çavuşoglu, Wezîrê Derve yê Fînlandê Pekka Haavisto û Wezîra Derve ya Swêdê Anne Linde Memorandumê îmze kirin.

Erdogan dev ji îtîraza endamtiya NATO’yê ya Swêd û Fînlandiyayê berda - Erdogan dev ji itiraza endamtiya NATOye ya Swed u Finlandiyaye berda1

Li gorî hevkirina sê alî, Tirkiyê astengiya li ber endamtiya Swêd û Fînlandiyayê ya NATOyê rakir, Swêd û Fînlandê jî ragihandin ku li hember vê yekê piştgiriya xwe ji PYD û YPG’ê re vekişandine. Herwiha her du welatan biryara rakirina ambargoya çekan a li ser Tirkiyê jî dan.

Li gor nûçeya ku di Rûdavê de hatiye weşandin, naveroka peymanê wiha ye:

-Wek hevalbendên paşerojê yên NATO’yê, Fînlandiya û Swêd li hember hemû gefên li ser ewlehiya wê ya neteweyî bi tevahî piştgirîya Tirkiyeyê dikin. Di vê çarçoveyê de Fînlandiya û Swêd piştgiriyê nadin PYD/YPG û rêxistina ku li Tirkiyeyê wek FETO tê pênasekirin. Tirkiye jî li hemberî hemû gefên li ser ewlehiya neteweyî ya Fînlandiya û Swêdê tam piştgirî dide. Fînlandiya û Swêd bi hemû şêwe û diyardeyên wê terorê bi tundî red û şermezar dikin. Fînlandiya û Swêd êrîşên hemû rêxistinên terorê yên ku li dijî Tirkiyeyê tên kirin bi eşkereyî û zelalî şermezar dikin û hestên xwe yên kûr ên hevgirtinê bi Tirkiyeyê û malbatên qurbaniyan re tînin ziman.

-Fînlandiya û Swêd piştrast dikin ku PKK rêxistineke terorîstî ya qedexe ye. Fînlandiya û Swêd li ser xwe ferz dikin ku pêşî li çalakiyên PKK û hemû rêxistinên terorê yên din, berfirehkirina wan û çalakiyên kesên ku di nav rêxistin û rêxistinên girêdayê wan de ne û bi wan re têkildar in, asteng bikin. Tirkiye, Fînlandiya û Swêd ji bo pêşî li çalakiyên van rêxistinên terorê bigirin, biryar dan ku hevkariya xwe zêde bikin. Fînlandiya û Swêd daxwazên van rêxistinên terorîst red dikin.

-Tirkiye, Fînlandiya û Swêd piştrast dikin ku êdî ambargoya çekan a neteweyî di navbera wan de nemaye. Swêd qanûnên xwe yên neteweyî yên der barê hinartina çekan ji bo Hevalbendên NATO’yê diguherîne. Di paşerojê de hinardekirina (îxracat) pîşesaziya berevaniyê ji Fînlandiya û Swêdê dê li gorî hevgirtina hevalbendan û li gorî ruh û nameya xala 3’ya Peymana Washingtonê were kirin.

-Tirkiye, Fînlandiya û Swêd soz didin ku piştî hevdîtinên îro gavên berbiçav bavêjin.

-Damezrandina mekanîzmaya diyalog û hevkariyê ya birêkûpêk li ser hemû astan, di nav de dezgehên qanûnî û îstîxbaratê, ji bo bihêzkirina hevkariya li ser bingeha lihevkirinê di şerê li dijî terorîzmê, tawanên organîze û kêşeyên (pirsgirêkên) din ên hevbeş.

-Fînlandiya û Swêd wê li gorî bendên belge û polîtîkayên NATO yên têkildar bi biryar û cehd (xebatên) têkoşîna li dijî terorê bimeşînin û ji bo xurtkirina qanûnên xwe yên herêmî li gorî wê hemû gavên pêwîst bavêjin.

-Fînlandiya û Swêd, li gorî Peymana Radestkirina Ewropî, dê agahdarî, delîl û îstixbaratên ku ji hêla Tirkiyê ve hatine pêşkêş kirin, li ber çavan bigirin, da ku daxwazên Tirkiyê yên dersînorkirin an radestkirina gumanbarên terorîstî bi lez û bez û bi hemî aliyên wê ve bişopînin û hevkariya radestkirin û ewlehiyê pêş bixin bi Tirkiyeyê re dê peymanên dualî pêk bînin.

-Fînlandiya û Swêd dê der barê xebatên komkirina pere û elemanan yên rêxistina terorê PKKê û hemû girêdayên wê û rêxistinên eniyê da lêpirsînê bidin destpêkirin û ew ê wan qedexe bikin.

Serhat News

(lg)

Tepki Ver | Tepki verilmemiş
0
mutlu
Mutlu
0
_zg_n
Üzgün
0
sinirli
Sinirli
0
_a_rm_
Şaşırmış
Erdogan dev ji îtîraza endamtiya NATO’yê ya Swêd û Fînlandiyayê berda

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *