Li navçeya Derînceyê ya Kocaliyê di sîloya Ofîsa Berhemên Çandiniyê (TMO) de teqîn çêbû. Waliyê Kocaeliyê ragihand ku di teqînê de 10 welatî birîndar bûne
Îro saed di 14:40’ê piştî nîvro li navçeya Derînce a Kocaeliyê, nêzî bendêra Derînceyê di sîloyeke TMO’yê de teqîneke mezin da. Dengê teqînê ji piraniya bajêr hate bihîstin.
Walîyê Kocaeliyê Seddar Yavuz ragihand ku di encama teqînê de 10 kes birîndar bûne û rewşa 2 birîndaran giran e. Yavuz her wiha da zanîn ku di bin enkazê de tu kes nemaye.
Derbarê sedema teqîne de jî Yavuz, anî ziman ku ew wisa dinirxînin, dibe ku teqîn ji ber şidandina toza genim derketibe.
Şaredarê Derînceyê Zekî Aygun jî amaje pê kir ku hîn sedema teqînê diyar nebûye û got: “Deng teqîne hate heta bi şaredariyê. Hêvidar im ku kes nemiribe.”
Serhat News
