Li Bajarê Silêmaniyê di encama qezayeke trafîkê de 4 welatiyan jiyana xwe ji dest da.
Li gor agahiyan qeza li nêzîk Çemê Tancero yê li ser sînorê Silêmaniyê yê Herema Kurdistana Federal a Iraqê çûbû. Hat ragihandin ku pîkabek û kamyonek li hev qelibîne û çar kesên di pîkabê de jiyana xwe ji dest dane.
Rêveberê Hawarhatina Bilez a Silêmaniyê Saman Nadir derbarê bûyerê de daşuyaniyek da. Nadir di daxuyaniya xwe de got, “Di bûyereke trafîkê de li nêzîk Çemê Tancero li sînorê Silêmaniyê 4 kesan jiyana xwe ji dest dan.”
Li gor zanyariyan, tiştek bi şofêrê kamyonê nehatiye.
Heta niha nasnameya qurbaniyên bûyerê nehatiye aşkerekirin.
Polîs çûne cihê bûyerê û derbarê bûyerê de lêkolîn dane destpêkirin.
Li gor amarên fermî yên Polîsê Trafîkê yê Herêma Kurdistanê, sala bihorî 3 hezar û 706 bûyerên trafîkê li Herêma Kurdistanê çêbûne û di encam de 445 kesan jiyana xwe ji dest dane, 7 hezar û 250 kes jî birîndar bûne. (Rûdaw)
Serhat News
(lg)
