Li gorî anketa Metropollê herî zêde hilbijêrên Partiya Zaferê, HDP/YSP, ÎYÎ Partî û AK Partiyê, di hilbijartina serokkomariyê de ji ber dengên ku dane, poşman in.
Şîrketa Lêkolînê ya Metropollê, encamên anketa ku di navbera 15 û 19’ê Tîrmehê de, li gel hezar û 746 kesan re kiribû, eşkere kirin.
Di anketê de ji beşdarvanan pirsa “Hûn ji ber bikaranîna dengê xwe yê di hilbijartina dawî ya serokkomariyê de poşman in?” hat kirin.
Li gorî encaman ji sedî 22,4’ê xelkê poşman e, ji sedî 72,8ê xelkê ne poşman e û ji sedî 4,8ê xelkê jî nêrîna xwe eşkere nekiriye.
Herî zêde hilbijêrên Partiya Zaferê, HDP/YSP, ÎYÎ Partî û AK Partiyê ji ber dengên ku dane poşman in.
Li gor partiyan rêjeyên poşmanbûnê wiha ne:
AKP: Ji sedî 22,5 poşman, ji sedî 74,9 ne poşman
CHP: Ji sedî 19,9 poşman, ji sedî 79 ne poşman
MHP: Ji sedî 20,9 poşman, ji sedî 77,7 ne poşman
ÎYÎ Partî: Ji sedî 24,8 poşman, ji sedî 78,6 ne poşman
HDP/YSP: Ji sedî 26,2 poşman, ji sedî 72 ne poşman
Refah: Ji sedî 24,7 poşman, ji sedî 78,6 ne poşman
TÎP: Ji sedî 20,8 poşman, ji sedî 75 ne poşman
Zafer: Ji sedî 37,1 poşman, ji sedî 62,9 ne poşman
Serhat News
