Li navçeya Geverê ya Colemêrgê welatiyê bi navê Esat Çakmak, ku çend roj beriya niha li gundê Darê hatibû desteserkirin, bi îdiaya “Endamtiya rêxistinê” hat girtin.
Di 18’ê Îlonê de li gundên Darê, Memkava, Nêbarê û Kaport ên bi ser Gever a Colemêrgê operasyona leşkerî da hatibû lidarxistin. Piştî operasyonê leşkeran li gundê Darê welatiyê bi navê Esat Çakmak desteser kiribû. Çakmak piştî karûbarên fermî yên li Midûriyeta Ewlekariya Geverê, derxistin pêşberî dozger. Çakmak ji vir jî tevî ku îfadeya wî hat girtin, bi daxwaza girtinê sewqî Dadgeha Nobedar hate kirin.
Di encama darizandinê de Çakmak bi hinceta “Endamtiya Rêxistinê” hate girtin û ew şandin girtîgehê.
Her wiha 10 welatiyên di heman demê de li Gundê Memkavayê hatibûn desteserkirin jî, duh ji aliyê dadgehê ve serbest hatibûn berdan.
Serhat News
Jêder MA
