Li Hatayê sê welatiyên Yunanîstanê ku ji bo tevli xebatên lêgerîn û rizgarkirinê hatine Hatayê hatin desteserkirin.
Her sê welatiyên Yunanistanê ên bi navê Alexis, Takis û Michail bo tevli xebatên lêgerîn û rizgarkirinê hatibûn Hatayê li gor îdiayê li Taxa Armûtlû ya navçeya Defneyê bi hinceta ‘Derbarê wan de îxbar heye’ hatine desteserkirin.
Welatiyên Yunanîstanê piştî hatin desterkirin, bo lêbirsînê ji Şaxa Biyaniyan a Miduriyeta Ewlekariya Hatayê re hatin veguhestin.
Piştî ku bûher hat bihistin parêzerên Komeleya Hiqûqnasên Hemdem (ÇHD) çûn miduriyeta ewlekariyê.
Li gor nûçeya ajansa Mezopotamyayê, rayedarên ewlekariyê ji parêzeran re got ku ew kes ji ber ‘îxbarê anîne miduriyetê, 3 welatiyên Yunanistanê ne di bin çavan de ne û derbarê wan de tenê bi sedemên îdarî kirarî hatiye kirin. Tevî vê yekê jî welatiyên Yunanî nehatin berdan û hate xwestin ku ji bo lêkolînkirinê telefonên wan bên lêkolînkirin.
Parêzeran diyar kir ku rewşa heyî binçavkirina fîîlî ye û destnîşan kirin ku ragirtina welatiyên Yunanî ya li miduriyeta polîsan rewşeke keyfî ye.
Serhat News
(lg)
