Belavkarê rojnameya Ozgur Gundemê Orhan Karagar, di 30’emîn salvegera qetilkirina wî de li ser gora xwe hate bibîranîn.
Li Wanê, belavkarê rojnameya Ozgur Gundemê Orhan Karaagar ku 30 beriya niha hatibû qetilkirin, li ser qora wî ya Goristana Xaçortê bi merasîmekî hate bibîranîn.
Merasîm ji aliyê Komeleya Rojnamevanan a Dîcle Firat (DFG9 û Platforma Rojnamevanên Jin a Mezopotamyayê (MKGP) hate organîzekirin. Parlamentera Partiya Gelan a Demokratîk (HDP) ya Wanê Muazzez Orhan, endamên malbata Karaagar û komek rojnamevan tevli merasîmê bûn.
Nûçegîhanê Ajansa Mezopotamyayê (MA) Adnan Bîlen li vir axaftinek kir û got ku ev 30 sale hêj kujerên Karagar nehatine dîtin. Bîlen, di berdewamiyê de daxwaza edaletê kir û wiha axivî: “Orhan beriya 30 salan li nava kolanê hate qetilkirin. Wî tevî ku dizanî dê were qetilkirin, dest ji belavkirina rojnameyê berneda. Karagar, ji aliyê kontrayên dewletê ve hate qetilkirin. Ji wê rojê heta îro, li ser çapemeniya azad pêkûtî berdewam in.”
Xwîşka Karagar, Şengul Karaagar jî axaftinek kir û got, “Me bi kuştinê nikarin tune bikin. Orhanek dimire, hezar Orhan radibin. Em ê her tim li gel çapemeniya azad bin û hêz bidinê.”
Parlamentera HDP’ê ya Wanê Muazzez Orhan ise, destnîşan kir ku bi salane çapemeniya azad bi pêkutiyan rû bi rû dimîne û wiha berdewam kir: “Hevalê me Orhan belavkarê rojnameyê bû. Ji aliyê hin kesên ji aliyê hişmendiya tarî ve hatine birêxistin kirin ve hate qetilkirin. Ji wê rojê heta niha pêkûtî li ser çapemeniya azad berdewam in. Em ê di bin hemû şert û mercan de bi berdewamî bibin neferekî çapemeniya azad.”
Piştî axaftina gurnefîl danîn ser gora Karaagar û merasîm bi dawî bû.
Vîdeo-Montaj: Bariş Aslan
Serhat News
(lg)
