Desteya Rêveber a Navendî (MYK) ya HDP’ê bi minasebeta bibîranîna 108’emîn a tehcîrkirina gelê Ermenî daxuyaniyek weşand.
MYK’ya Partiya Demokratîk a Gelan (HDP), kesên di dema tehcîrkirina gelê Ermenî ya di 24’ê Nîsana 1915’an de jiyana xwe ji dest dane bibîr anî.
HDP’ê di daxuyaniya xwe ya nivîskî de banga hevrûbûna bi ‘Komkujiya Ermenan re’ kir. HDP’ê destnîşan kir ku qirkirina wê rojê li ser Ermenan dest pê kir, li ser gelên Xirîstiyanan berdewam kir û wiha hate gotin: “Hevrûbûna sûcên li dijî mirovahiyê ji bo pêkanîna siberojeke hevpar û wekhev û aştiyeke civakî gaveke girîng e. Em êşa 108 salan a gelên qedîm ên Mezopotamya û Anatoliyayê parve dikin û kesên di wê pêvajoyê de jiyana xwe ji dest dane careke din bi bîr tînin.” (MA)
Serhat News
