Partiya Çepên Kesk ku armac dike ku li Wanê hemû parlamenteran dest bixe, li navçeya Rêya Armûşê xebatên xwe yên hilbijartinê berdewam dike. Namzetên parlamenteriyê yên partiyê ku rastî eleqeke zêde tên, diyar dikin ku ew ji bere eleqeyê moralek gelek baş werdigirin.
Tevî ku ji hilbijartinên 14’ê Gulanê re 4 roj mane Partiya Çepên Kesk li Wanê xebatên xwe bê navber berdewam dike. Namzetê parlamenteriyê û rêveberên partiyê li Navçeya Rêya Armûşê ya Wanê serdana gel kirin.
Namzeta Partiya Çepên Kesk ya Wanê Gulderen Varli, destnîşan dike ku wan al bajêr mal bi mal geriyane û da zanîn ku dema xebatên de rastî eleqeyeke pirr baş hatine. Varli got, “Ev 21 sale li vî welatî zilm heye. Em ji bo ku dawî li zilmê were xebatên xwe dimeşînin”
HDP li gel hemû qadroyên xwe li qadê xebatan dimeşîne
HDP jî ku jiber doza girtinê ya derheqê wê de hatiye vekirin, tevli hilbijartinê nabe, li gel hemû qadroyên xwe piştgiriyek xurd dide Partiya Çepên Kesk. Hevserokê Rêxistina HDP’ê yê Wanê Fîkret Dogan destnîşan kir ku ev çend mehe li Wanê mal bi mal geriyane û heta niha çûne nêzî 600 taxên li tevahiya bajêr. Dogan jî kêfxweşiya xwe ya ji ber eleqeya gel anî ziman û got, “Ev hilbijartin gelek girîng e. Em jî di vê çarçoveyê de xebatên xwe dimeşînin û ji ber eleqeya gelê xwe jî gelek kêfxweşin.”
Gel di nava bendawariyeke pirr xurt de ye
Namzetê Partiya Çepên Kes yê Wanê Taylan Ertaş jî dide zanîn ku gel di nava bendewariyeke pirr xurt de ye û biboneya van bendewariyan bicih bînin bi ruha seferberiyê xebatan dimeşînin.
Serhat News
