Di pêvajoya hilbijartinê de, dema îtîrazên derbarê lîsteya demkî ya serokomariyê de îro saet di 17.00ê de wê bidawî bibe.
Ji hilbijartinên serokkomarî û parlamentoyê re ku dê di 14’ê Gulanê de bê lidarxistin, 45 roj man.
Dema îtîrazan a ji bo lîsteya namzetan a demkî ya serokomariyê, îro saet di 17.00ê de wê bidawî bibe. Pişt re Saziya Bilind a Hilbijartinan (YSK) wê îtîrazan binirxîne.
Kar û barên partiyên siyasî yên hilbijartinê jî berdewam dikin. Partiya Kedê (EMEP) ragihandiye ku ew ê ji lîsteyên Partiya Çep a Kesk û bi namzetên xwe bikevin hilbijartina 14’ê Gulanê. EMEP’ê “bi armanca siberoj û xurtbûna” Rêkefina Ked û Azadiyê ev biryar daye.
Serokê Giştî yê Partiya Karkeran a Tirkiyeyê (TIP) Erkan Baş jî aşkere kiriye ku lîstikvan Mehmet Aslantûg pêşniyara wan a ji bo namzetiya parlamenteriyê qebûl kiriye.
Yek ji avakarên Partiya Dengê Gel (HAS Parti) û endama Lijneya Rêveber a Giştî ya kevn a Partiya Saadetê Emîne Ûçakê aşkere kiriye ku wê ji bo namzetiyê serî li Partiya Gel a Komarî (CHP) daye. (Bîanet)
Serhat News
