Li Colemêrgê, jina ku bo berhevkirina pincarê çûbû çiyê, ji zinarekî ket xwarê û jiyana xwe ji dest da. Dîsa bi heman sedemê jinek ji zinarekî ketiyê û lingek wê şikestiye.
Hat ragihandin ku li gundê Xenanisa ku 15 kîlometreya ji Colemêrgê dûr e, jina bi navê Medîne Koç a 52 salî, bi armanca berhevkirina pincarê çûye çiyayên li heremê. Tê diyarkirin ku di dema berhevkirina pincar de Koç ji zinarekî ketiye û bi giranî birîndar bûye.
Piştî ku Koç ji aliyê ekîbên hewarçûnê ve rakirin nexweşxaneya Colemêrgê, tevî hemû mudaxaleyan nehate rizgarkirin û jiyana xwe ji dest da
Dîsa hat destnîşan kirin ku li heman rojê gundê gundê Şivîşek ya bi ser bajarê Colemêrgê jina bi navê Fehîma Dûman jî xwestiye li çiyê pincar berhev bike. Wê çaxê Dûman jî ji zinarekî ketiye xwarê û lingek wê şikestiye.
(lg)
