Li Dêrezorê di encama êrîşa DAIŞ’ê de 23 leşkerên artêşa Sûriyeyê hatin kuştin.
Rewangeha Sûriyeyê ya Mafên Mirovan (SOHR) ragihand duh êvar DAIŞ’ê li devera Badiyeyê ya Meyadîna a bi ser Dêrezor a Sûriyê ye, êrişî minibuseke artêşa Sûriyeyê kir.
Di encama êrişê de 23 leşkerên Sûriyeyê hatin kuştin û 10 leşkerên din jî birîndar bûn.
Endamên rêxistina terorî DAIŞ’ê di 7’ê Tebaxê de jî li bajarokê Medan Etîqê yê Reqayê êrîşî hêzeke artêşa Sûriyeyê kiribû û di encamê de 10 leşker hatibûn kuştin.
Li gor daneyên ji aliyê SOHR’ê ve hatine belavkirin, ji destpêka 2023’an heta niha, li Badiyeya Sûriyeyê DAIŞ’ê 210 leşker û milîsên Sûriyeyê û 157 sivîl kuştine.
Herwiha 20 çekdarên DAIŞ’ê jî ji aliyê hêzên hikûmeta Sûriyeyê û firokeyên Rûsyayê ve li heman navçeyê hatine kuştin.
Serhat News
