DSO’yê ragihand ku rewşa lezgîn a tenduristiya gel a navneteweyî ya Covîd-19’ê qediya
Dîrektorê Giştî yê Rêxistina Tenduristiyê ya Dinyayê (DSO) Tedros Adhanom Ghebreyesus ragihand ku Covîd-9 wek rewşeke lezgîn a tenduristiya gel a ku xwedî girîngiyeke navneteweyî ye, qediya.
Ghebreyesus derbarê rewşa dayî ya Covîd-19’ê de li navenda DSO’yê ya bajarê Cenevre ya Îsvîçreyê civînek çapemeniyê li dar xist.
Ghebreyesus destnîşan kir ku Covîd-19’ê di 3 salên dawîn de jiyan serobino kir û li gor raporên gihiştine DSO’yê ji ber şewbê 7 milyon kes mirin, lê ew dizanin ku ev jimar zêdetir e.
Ghebreyesus got ku ji ber Covîd-19’ê sînor û dibistan hatin girtin, hereketên mirovan hatin sînordarkirin û bi milyonan mirov rastî pirsgirêkên derûnî hatin.
Ghrebreyesus da zanîn ji ber aşîkirin û zêdebûna jêbexşiya mirovan ji salekî zêdetir e ku Covîd-19 kêm dibe û ji ber vê jî gelek welat vegeriyan jiyana berî Covîd-19’ê.
Ghebreyesus got ku “Duh Komîteya Rewşa Lezgîn a DSO’yê cara 15’emîn civiyaye û pêşniyaz kir ku ez dawî li rewşa acîl a tenduristiya gel a xwedî girîngiya navneteweyî (ya Covîd-19’ê) bînim. Min jî ev pêşniyaz qebûl kir. Ez bi hêviyeke mezin îlan dikim ku Covîd-19 êdî tehdîdeke tenduristiyê ya navneteweyî nîne.” (AA)
Serhat News
