Li Erzîngan û Edeneyê, du jin ji aliyê hevserên xwe ve hatine qetilkirin.
Li gor agahiyên hatine bidestxistin, li taxa Halîtpaşa ya Erzînganê, di navbera zilamê bi nave A.O yê 31 û hevjîna wî Handan O. ya 30 salî de nîqaş derketiye. Piştî nîqaşê A. O., bi kêrê êriş biriye ser hevjîna xwe û ew birîndar kiriye.
Piştî bûyerê wî kesî xwe radestî polîsan kiriye û li ser zanyariyên wî polîs û tîmên tendirûstiyê çûne cihê bûyerê û jina birîndar piştî midaxeleya destpêkê bo Nexweşxaneya Lêkolîn û Perwerdê ya Mengucekê hatiye veguhestin.
Lê ligel hemû midaxeleyan dayika du zarokên 6 û 9 salî Handan O. jiyana xwe ji dest daye.
Her wiha, hat ragihandin ku li taxa Mûradiye ya bi ser navçeya Ceyhan a Edeneyê, R. S. îşkence li hevîjina xwe Ezgî Deler a 25 salî ku bi mehra olî pêre zewiciye, kir.
Piştî agahdarkirina cîranan Deler a birîndar ji aliyê tîmên tenduristiyê ve bo nexweşxaneyê hate veguhestin. Lê tevî hemû mudaxaleyan jî Deler nehate rizgarkirin û jiyana xwe ji dest da.
Cenazeyê Deler a dayîka zarokekî bo otopsiyê rakirin Saziya Tiba Edlî ya Edeneyê.
Serhat News
(lg)
