Li Stenbolê hinek kesên bi motorsîklet gule li 2 kesên ku li kêleka rê rawestiyabûn reşandin û di encamê de kesekî canê xwe ji dest da û kesek jî birîndar bû.
Li sêrêyên Tarlabaşiyê ya navçeya Beyoglu ya Stenbolê, hinek kesên ku li motorsîkletekê siwar bûbûn, ji ber sedemeke nediyar, gule li 2 kesan reşandin û piştre ji cihê bûyerê reviyan. Di bûyerê de 2 kes birîndar bûn.
Li ser agahdarkirinê polîs û tîmên tenduristiyê çûne cihê bûyerê.
2 kesên birîndar bi ambulansan ji bo nexweşxaneyê hatin birin. Lê tevî hemû mudaxaleyan jî birîndareke ku navê wî nehatiye hînbûn, nehate rizgarkirin û jiyana xwe ji dest da.
Di heman demê de li derdora cihê bûyerê tedbîrên ewlekariyê hatin zêdekirin û hat zanîn ku sê gule jî li otomobîlekê ketine.
Heta niha jî kesên êrişkar nehatine desteserkirin.
Serhat News
