Stêrka pop mûzîkê Madonna bo mexdûrên erdhejên Tirkîye û Sûrîyê banga alîkarîyê kir.
Stranbêja Amerîkî Madonna li ser hesaba xwe ya Instagramê derbarê erdhejên Mereşê de peyamek belav kir û got ku trajedîya erdhejê pir mezin e.
Madonnayê di berdewamiya peyama xwe de wiha gotiye: “Di Roja Evîndaran de herkes behsa eşqê dike. Em ji Tirkîye û Sûrîyê re, ku di vê erdheja mezin de bi trajedîyeke mezin re rûbirû mane, enerjîya xwe ya şifa û hezkirinê bişînin’’
Wê dîyar kir ku bo şandina alîkarîya adresa herî baş ahbap.org a bi pêşengiya hunermend Haluk Levent hatiye avakirin e.
Hin navdarên Tirkîyê bi şiroveyan spasîya Madonna kirin.
Hêjayî gotinê ye ku di erdhejên Tirkîye û Sûrîyê de nêzî 40,000 kesan canên xwe ji dest dane. (Dengê Amerîka)
Serhat News
(lg)
