Namzetê Partiya Çepên Kesk (YSP) ê Eskîşehirê Muslum Koyun bi hincete “Emdamtiya rêxistinê” hat girtin.
Di çaçroveya lêpirsîneke Serdozgeriya Komarê ya Eskîşehîrê û Serdozgeriya Komarê ya Stenbolê de, di 30’yê Nîsanê de li Eskîşehîr, Stenbol, Enqere, Îzmîr, Îsparta, Hatay, Qeyserî û Çanakkaleyê li hemberî Partiya Komînîst Lenînîst Marksîst (MLKP), Partiya Sosyalîst a Bindestan (ESP) û Federasyona Komeleyên Ciwanên Sosyalîst (SGDF) operasyonek hatibû lidarxistin. Di encama operasyonê de 23 kes hatibûn desteserkirin.
Ji wan kesên hatine desteserkirin, Namzetê Partiya Çepên Kesk ê Eskişehîrê Muslum Koyun û 3 kesên din bi hincete “Endamtiya rêxistina terorê” hat girtin.
Herwiha li 7 kesan jî cezayê hepsa malê hat birîn.
Hat zanîn ku Deniz Konak, Sadrettîn Polat, Bedran Çogaltay û Alperen Aktaş jî bi merca kontrolkirina edlî hatin berdan û derbarê 13 kesan de jî lêpirsîn berdewam e. (Rûdaw)
Serhat News
