Li Wanê berîya pîrozbahiyên Newrozê ku dê li kêleka Keleha Wanê were lidarxistin, bi avayekî zêde barîna berfê destpê kir. Lê tevî barîna berfê welatî ber bi qada Newrozê ve diherikin.
Her sal Newroz li Wanê bi avayekî bi heybet tê lidarxistin. Îsal jî Newroz wê wekî her dem li Kêleka Keleha dîrokî ya Wanê li hemberî Gola Wanê bê lidarxistin. Encax îsal pîrozbahî dibin berfê de tê pêk anîn. Ji şevêdin vir ve li bajêr bê navber berf dibare. Lê bele dîsa jî ev yek nikare welatiyên dixwazin Newrozê pîroz bikin asteng bike. Niştecihên Wanê tevî barîna berfê bere xwe dane qadê û berbi Keleha dîrokî ya Wanê ve diherikin.
Li aliye din polîsan jî bi tevahiya bajêr tedbîrên ewlehiyê girtine û hemû rêyên bajêr dibin kontrola wan de ye.
Tîma Nûçeyê/vîdeo: Zelal Sahîdenur Sari, Bariş Aslan, Zafer Avnaş, Dildar Guler, Tuba Yeşîm Karaagar, Hakan Aslan
(lg)
